雖然蒲開酒吧嘅人都應該識點玩酒吧 21點，但為免有讀者好似我之前咁完全唔識點玩，所以都不厭其煩約略講解一下劈酒 21點嘅玩法。
鬥智又鬥酒量
■斯斯文文殺得死人，咪就係呢亭囉！
遊戲好簡單，人數不限，無論兩個到二十個一齊玩都可以，首先由其中一人開始抽啤牌，抽牌者可選擇 Keep牌或出牌，為甚麼要 Keep牌？原因有二：好像 A這類較容易達成 21點的牌，可以 Keep住，因為只要有 10點或 20點出現，都可以成功將之達致 21點，咁下家就要派彩飲酒；其二原因係如果牌面已有十八、九點，即是好容易有爆煲危機，如果 Keep的牌係細牌的話，咁就唔使輸囉。
如果抽到嘅牌係無乜收藏價值，咁就梗係出咗去啦，最多可以出四門牌，假設其中三門的牌面已經有 20點的話，如果咁啱你有隻 A……下家就要連派三次彩；如果爆煲的話，就當一次過爆四門牌，要飲四次；如果係由 3隻 7嘅組合形成 21點的話，下家要飲三倍；如果出現 6、 7、 8嘅組合，咁就衰衰哋都要飲 Double……條數真係好襟計，好玩在可以設局跣人，絕對係鬥智又鬥酒量嘅劈酒遊戲，好玩程度我畀 4個 Good。
拍得住巨星幫
■ Cocktail由$48至$68，算幾抵。
講番間酒吧，感覺上似私竇多於酒吧，優點係玩得 Private啲，就算忘形時講嘢大聲咗都唔會畀人眼望望，親切感攞晒分。缺點就係地方較為細，但就可以名正言順坐得親密啲，如果隔籬枱咁啱坐着班靚女的話，咁就 Very good嘞。
雖然呢間酒吧地方唔大，但都一樣有拳手供應，都係嗰句：唔係乜嘢頂級索女，勝在個個都順眼又 Nice，最難得係就算輸枚都唔會賴皮閃酒，今時今日咁嘅服務態度真係好難得，我畀 4個讚佢。
除咗拳手好玩，女經理亦都唔弱，猜得劈得飲得又唱得，把聲拍得住巨星幫，唔信可以搵佢合唱番首《我的回憶不是我的》，到時就知我所言屬實。
最後，當然係探討價錢問題， Happy Hour每 Set啤酒$120、 Normal就$198，最普遍嗰兩隻牌子嘅威士忌就每支$788， Buy 2 get 1 free，一切都係 Standard咁囉！
■地方細，玩得親密啲。
■燈效做得十分唔錯，抵讚！
（地址：尖沙嘴加連威老道 77至 79號開麟中心 2樓）
