我愛 o靚模之二：撐佢夠自信 Club Zero

旺角區要數平靚正嘅上樓吧，相信非「 Club Zero」莫屬。點解要揀佢？講吓環境先，地方夠大，全場大梳化，坐得舒服，再唔係約多幾個老友入 VIP房玩都得。設備方面，大吧頭旁邊有兩部鏢機，最啱邊飲邊掟。女士們對飛鏢無興趣，可以唱吓最新 K歌。多部上牆大電視，坐喺邊都望到，唔會俾人阻頭阻勢。

至於價錢就相當經濟，星期一、五女士$1入場任飲，男士$280；其餘平日男士$250、女士$120； Weekend男士$280、女士$150。唔想任飲散叫亦得， Happy Hour一 Set啤酒$98， Normal就$198，大酒$888，買二送一。
講完酒吧，順便問吓靚女客人覺得邊個 o靚模最靚呢？ MayMay話：「我會揀周秀娜囉，唔因為佢生得靚，而係我覺得嗰份自信贏晒；呢點先係我 Buy佢嘅原因。」


■酒吧內有兩間 VIP房，開 Party啱晒。



■鏢機有兩部，喺正大吧頭旁，邊飲邊掟，好方便。



■全場梳化多電視多。


（地址：旺角彌敦道 580號 G-K彌敦中心 15樓）