o靚模呢個潮流大大話話都 Hit咗兩、三年了，究竟幾時會完，答案係唔知囉，一日有人想睇就一日唔會完，唔係，應該咁講，一日有男人，一日都唔會完，係男人都鍾意睇後生女着 Bikini啦，就算女士，亦好欣賞班 o靚模 o架，好似「 Bonus」嘅 Angel就講句公道說話：「 o靚模都係人啫，無必要講到人哋地底泥咁差呀！呢班女仔都有付出，有人賞識至可以咁啫。而且性感都可以健康嘅，好似 Angelababy，我覺得佢級數高好多，真係專業，如果唔係，日本都唔會搵佢啦！」 Angel講得又幾啱，的而且確係唔同「 Cup」數，各花入各眼，鍾意嘅使乜怕醜撐！
見 Angel講得咁好，忍唔住要同佢飲番杯，何況呢間吧酒水夠平，唔怕請人飲。 Happy Hour一 Set啤酒$98， Normal Hour就$168，大酒$780，各式 House Wine都係$280起。價錢平但環境絕不失禮，長形大吧頭，飲 Cocktail隨便開聲，大梳化舒服好坐，鏢機卡拉 OK隨你玩，煙癮起出露天吧枱又得，落吧係求 Relax，無理由就住就住啫。
■吧頭夠大又靚仔。
■想點坐？梳化埋邊，高枱出邊。
■門口有露天吧枱，雲吐霧唔使客氣。
（地址：尖沙嘴漆咸圍 1-3號多福大廈地下 A座）
