歐聯我最勁之七：巴塞求神無傷兵 Bar Pacific XII

早排荃灣「 Bar Pacific XII」搞咗個型男選舉，選靚女就見得多，選靚仔真係比較特別，不過，就係咁先吸引到人去趁，男嘅去笑吓，女嘅去，但求大家 Happy啫。呢一晚邊位靚仔多人撐？當然係呢度熟客之一嘅 Gordon哥哥啦，至於佢係咪最靚仔就要等今個月 21日，喺「 XIX」分店，同各 Bar Pacific嘅各位靚仔嚟個總選，屆時一定好好玩啫。
如果靚仔無興趣，呢期 BBQ啱啩，呢度逢星期日都會有 BBQ Party，每位$58就可以有任食，而且有專人服侍，平過喺茶餐廳食個扒啦。食飽直落飲兩杯兼猜兩板，實在唔錯。呢度當然有拳手，靚女波兒可以話係呢度嘅台柱，猜得兩板外，最緊要都識得講兩句波，同人吹水都有話題，「逢 Weekend都有足球直播點會唔知呀？講歐聯就梗係巴塞啦！實而不華，前中後都有保證，只要求神拜佛唔好俾人踢傷幾件就 Sure win，唔係，係 Easy win！」講得咁有信心，果然係做晒功課噃。
講完足球又係時候畀埋酒水資料， Happy Hour就$20支啤酒， Normal Hour就$30支，大酒$680，星期四 Ladies Night任飲指定兩款 Cocktail。