歐聯我最勁之五：車仔收成期新鸚鵡吧

早幾日，有朋友問我去邊度飲嘢好，唔使兩秒我就推薦佢去「新鸚鵡吧」。原因唔係熟悉呢間場，而係覺得呢間酒吧做生意夠誠意。點解咁講？以家嘅市道，唔少酒吧都會縮皮唔請拳手，但呢間不但無少請到人，仲日日至少擺三四個靚女駐場，加上足球直播、鏢機、卡拉 OK樣樣有，咁你話係咪夠誠意先。最重要係肯落本搞 Function，好似呢個鋼管 show咁，唔好扮純情，問我鋼管 Show係乜，簡單講就係靚女加 Sexy裝束加辣身舞蹈，包你睇到 High High哋要飲多兩杯定吓神啦！

介紹完好節目，連隨搵靚女吹吓水，細細粒嘅 Eva猜得兩板之餘，原來仲係個標準足球迷，問佢歐聯就啱晒嘴形嘞。「我就梗係撐曼聯啦，不過，睇佢今季好似無乜料到咁，攞冠軍嘅話，我諗都係車仔牌面高啲。你睇上星期杜奧巴點殺低阿仙奴就知呢隊波幾有 Heart，而且，有咁多年歐聯經驗，係時候得番啲回報嘞啩！」我亦有同感，但就無 Eva咁大方，死敵都支持，希望佢把口唔好咁靈啦！
最後，報埋酒水， Happy Hour$20一支啤酒， Normal就$32支，大酒$1,888三支，任飲平日男士$220、女士$150， Weekend就男$280、女$200。