解酒妙法之六：偏方飲可樂水手吧

星期六又係出嚟玩嘅好日子，最衰就係撞正打風，所以，最好都係留番喺自己住嗰區消費嘞，唔使山長水遠出到油尖旺。其實，新界區酒吧亦一啲唔輸蝕，細心留意吓，隨時會有驚喜嘅發現。好似元朗區咁，酒吧都唔少，當然，一如市區吧，良莠不齊在所難免，但呢間「水手吧」我就絕對有信心喺度推介。

講環境，一啲都唔失禮，尤其係鍾意睇足球嘅朋友啱晒，一入門口就見到大大個投射畫面，呢啲酒吧睇波最好 Feel；想劈酒嘅又會有靚靚拳手，就算一個人嚟，亦可以坐喺吧頭同 Bartender吹吓水，或者掟吓鏢。至於酒水方面，唔使講，一定平啦， Happy Hour一 Set啤酒$96， Normal就$152，大酒$650，價錢真係平過市區一大截，住呢區嘅朋友認真着數。