'講番今日介紹嘅酒吧「 Le Boss」先，呢間吧真係夠硬淨，喺尖沙嘴經歷咗好多個寒暑，當然中間都有不少翻新，所以，入到去環境幾時都見得吓人，環境正自然有人肯撐場啦！
■新加鏢機區，鍾意掟鏢嘅朋友又多個好去處啦！
酒水方面，歡樂時光$120一 Set啤酒，正價就$210一 Set；大酒$698一支，買三送一。平日任飲男士$250、女士$200； Weekend就男士$300、女士$200，講真價錢唔可以話好平，但以環境設施而論，咁嘅水位算值得畀喇！而且，最緊要係靚女多，好似呢晚就俾我識到靚女熟客 Carmen，本來見佢唱 K唱得咁投入都唔好意思打搞佢，但見到靚女又無理由唔抄牌 o架，為配合今期題目，於是上前搭訕，靚女話：「飲歌？要睇心情喎！好心情就係快歌多，心情唔好就慢歌啱 Mood啲。不過，我多數都係揀容祖兒啲歌唱嘅，我諗佢啲歌都可以話係我飲歌啩！」女仔十個有八個都識唱 Joey啲歌，都唔奇嘅， Joey話晒係天后一姐，自然多 Fans，實至名歸嘅！
■全場大梳化無詐型啦！
放大圖片
■酒吧最大特色，一定係呢個大吧頭。
（地址：尖沙嘴赫德道 5-9號 A德裕中心 3樓 305室）
