我要選視帝視后之三：撐硬九姑娘 Bar East

星期日諗住落酒吧飲酒睇吓車仔，點知入到土瓜灣嘅「 Bar East」，咦，勁好氣氛喎，不過，就唔係睇波或者猜枚，大家都望實部電視，原來追緊《義海豪情》！咁我都忍唔住話之車仔贏定輸，都係睇吓醒哥同九姑娘緊張啲，套劇有唔少感人場面，搞到嚟陪我猜枚嘅拳手琳琳都睇到眼濕濕，「真係感人吖嘛，唔使講嘢，視后一定係九姑娘莫屬！」我睇完都同意，視后確係非佢莫屬。

■ Touch Screen點歌方便又夠潮！

講完視后，介紹吓呢間 Bar啦，位置所在未有港鐵，係就係有啲唔太方便，之不過，勝在人情味濃，係呢區嘅一線酒吧！而且，唔好以為街坊酒吧環境就唔好，鏢機、卡拉 OK，足球直播樣樣有，而且仲有 Touch Screen畀你揀歌，尖嘴都唔係間間咁先進啦！酒水價相宜嗰隻啦，歡樂時光$118一 Set啤酒，正價$178，買三送一；大酒$588，有時蒲遠些少，叫做有新鮮感啦！