■咁省鏡嘅 Promo Girl真係難得一見，梗要捉住佢嚟閃啦！
■阿 MC Jin真係名副其實 Rap到出晒汗喎！
點解尋常一間酒吧會搞到如此墟冚？咪就係因為 MC Jin同恭碩良大駕光臨嚟開騷囉！雖然已經係 12月踏入冬天時分，但我敢肯定現場氣溫起碼有攝氏 30度， Hot到不得了嗰隻！邊間吧咁巴閉，之唔係「 Me Too」囉。
講番個騷，其實之前都有諗過點解 MC Jin呢個後生仔會紅得咁快，但當睇過佢嘅 Live騷之後，在下真係佩服得佢五體投地，佢除咗 Rap嘅功力拍得住啲黑人，無諗到佢嘅急才係咁堅，隨手見到乜都能 Rap得一大餐，而且每隻字都咁有意思，估唔到佢中文咁叻，連我呢個靠寫嘢搵食嘅人都自愧不如。最重要係佢帶動現場氣氛嘅功力亦一流，睇吓現場一個二個都咁 High又咁 Hot就知我所言非虛啦！至於另一個主角恭碩良亦唔輸蝕，保守估計現場起碼一半人係因為佢而嚟嘅，證明用心做音樂就始終會有知音人，亦證明喺酒吧睇騷比起任何一個舞台都 Free同 High。今次個騷，在下真係絕對無嚟錯，夠晒精采。
開放卡拉 OK時段
■恭碩良 Crossover MC Jin，現場氣氛真係相當震撼。
講完騷，應該係時候講番間酒吧，講真，呢個場由第一日開張已經嚟玩，因為傳說中嘅酒吧皇后 Van仔正是呢個場嘅老闆娘，我同呢位靚女可以話係識於微時，點都要每隔一頭半個月就嚟蒲吓頭嘅。大家係咪覺得我好有義氣呢？哈哈……其實真正嘅原因係呢個場多靚女，而且質素普遍喺 80分以上，係咪老點？大家睇睇相，就知在下講嘅一字一句都咁堅 o架。
雖然呢個場平均一個月都會搞一場大騷，但一個月有 30日，其餘嗰 29日點算好？大家可以放一百個心，事關呢個場逢星期二晚嘅 Ladies' Night都係出名座無虛席，入場齋睇唔撩都值回票價。價錢方面，男士晚 10點至凌晨 4點任飲任跳任識女仔都係$300入場費。除咗搞騷同女士之夜，呢度最近更徇眾要求，逢星期一至六開放卡拉 OK時段，其他時段就玩番 Clubbing格局， Non-stop播放 R& B、 Hip Hop同 Electro House音樂，講氣氛同裝修格局，絕對唔會輸畀蘭桂坊啲所謂嘅 Clubbing場 o架。
■呢度係音樂主題酒吧，所以周不時吸引唔少知音人嚟 Hea。
■現場氣溫有幾 Hot？睇睇靚女嘅衣着都略知一二。
■工作人員方面，都ＯＫ……勝在酒量麻麻，一隊即醉，夠晒英雄感。
■係咪無老點呀？呢個場嘅質素絕對係 O晒 K嗰隻。
地址：尖沙嘴漆咸圍 9號地下
