$6,000使去邊之一：飲足幾個月 Darts Base

「可以飲 30 Set啤酒，可以飲 9支大酒，甚至女士 30次任飲，一大班朋友可以玩足一個月，呢啲財政預算案咪好囉，大家開心又可以助長消費，早就應該派啦！」雯女話，佢係「 Darts Base」嘅熟客。計我話，又唔止玩一個月嘅，因為正常人都唔會日日狂隊酒啦，以任飲計，當一星期兩次，玩到成幾個月 o架喇。


呢次財爺俾人鬧咗成個星期，終於轉口話派錢，有份攞嘅我就梗係開心啦！多$6,000做零用錢，唱歌、飲酒、跳舞、買新電話都得啦！


■吊燈夠靚，成間吧格調高晒。


至於去邊度飲酒花費，呢間 Bar都係唔錯嘅選擇。睇個名，一望而知呢度係飛鏢發燒友嘅天堂，鏢機夠多之餘，仲部部 Online，即場比試又得，上網同人比賽又得，嫌掟膠鏢無質感，酒吧內仲有兩個傳統鏢靶，鍾意掟鋼鏢嘅朋友，肯定開心啦！其他娛樂設施方面，今時今日開酒吧，足球直播一定有，絕對係放工 Happy Hour嘅好地方。今個星期有歐聯踢，嚟呢度一齊睇呢！



■酒吧有多部 Online鏢機，鏢友最鍾意。




■玩開鋼鏢嘅一樣有得玩。




■酒吧預留不少地方掟鏢，所以空間感夠唔逼狹。




■落地玻璃，行過都好想入去飲番杯。


（地址：尖沙嘴柯士甸路 3號富好中心地下）