$6,000點使之五：促進經濟飲晒佢 Loft15

每逢周末尖沙嘴亞士厘道都係人山人海，特別係雅士利中心更加排晒長龍等上樓，自己見咁嘅環境都頭痛，所以唔想玩得咁掃興，如果朋友約飲嘢時間最好早啲，好多人話酒吧無人唔好玩，我覺得睇吓邊間啦，好似「 Loft15」咁，我覺得越早去越好玩，事關佢環境一流， Weekend真係大把人爭住入場，全場大梳化唔在講，仲有兩部最新嘅 Online鏢機，又有新歌快又多嘅卡拉 OK，有質素嘅酒吧就梗係多人玩，唔早啲上嚟邊有位呢？


好似 Tata咁，原來九點零鐘就捧場，「早啲嚟位又多，可以揀嘛！」不過，咁早上嚟飲，飲到天光條數咪好襟計？「你使乜怕，財爺話派錢，當然要開開心心使晒佢啦，加上呢度酒水唔係貴，歡樂時光就$118一 Set啤酒，正價就$198一 Set，大酒$780， 3支$1,780，任飲就星期一至四男士$250、女士$100；星期五、六男士$280、女士$200；星期日休息！酒水咁平，揸住$6,000上嚟真係好好使，所以為促進經濟，我撐飲晒佢﹗」飲晒佢唔係唔好，不過家陣啲錢仲未到手，我擔心佢下星期又話無得派，若然先使未來錢，咁咪好蝕！



■手指機女士最愛玩。




■大廳夠大，梳化亦可坐十數人。




■ Online鏢區，睇見都手痕。




■吧頭有兩部大電視，認真照顧周到。


（地址：尖沙嘴亞士厘道 23-25號雅士利中心 15樓）