「本來最想睇嘅，就梗係國米再對熱刺啦，一來復仇大戰，二來如果熱刺打贏，可以話又一奇蹟，不過，最尾都係抽唔中，希望兩隊出線後再碰頭啦！」呢個對碰，相信好多人都十分期待，而且世事嘅嘢一定咁鬼蹺，所以呢個對壘絕對大有機會！如果真嘅話，我一定再約埋 Helen嚟呢度睇波兼飲酒。
講到呢間吧，絕對撐得過，地方夠大夠舒服，張張都係大梳化枱；而且又有長吧頭，一個人嚟睇波飲吓生啤都咁啱。另外，鏢機亦有多部，一班朋友嚟鬥鏢一樣過癮。加上太子區酒水平就梗 o架嘞，歡樂時光$108一 Set啤酒，正價就$168；大酒$650。再唔啱，酒櫃有幾支陳年佳釀，有興趣想飲，即管面議吓，我怕你求其一指，點知唔夠錢畀就無謂搞搞震啦！
■環境夠大，梳化亦又大又舒服。
■長吧頭又對正大電視，睇波一流。
■生啤共有 3款，鍾意飲生啤嘅梗有啱飲嘅。
■酒吧共有 4部鏢機，埋邊呢部夠晒獨立。
（地址：旺角通菜街 225號地下）
