歐聯八強之五：睇好薩克達爆冷 S18

出嚟蒲咗咁多年，同唔少酒吧相熟，尤其是同啲拳手，更建立咗一份友誼，好似之前喺「 S18」做拳手嘅阿 Dick，上年年尾無做之後，唔見一輪，有時都會諗起佢，事關佢影相超合作，唔知係咪命運嘅安排，居然俾我喺「 Solo」見番佢，第一句忍唔住同佢講：「唔好講嘢，同我影相先！」佢扮晒嘢話唔影，結果又係乖乖擺 Pose！影完相，例牌問佢問題，阿 Dick：「知你問乜啦，歐聯吖嘛，知你嚟就做定功課啦。我最想睇嘅梗係巴塞對薩克達啦，尤其係薩克達主場，點解？睇好佢爆冷，仲唔係買巴塞對面咩！」





同阿 Dick講完波，又當然要介紹吓呢間場啦，呢度出名靚女拳手多，而且環境夠闊落，加全場大梳化坐得舒服，飲酒自然開心啲，埋邊仲有一個小偏廳，人多自成一角玩又 OK。酒水方面，歡樂時光$98一 Set啤酒，正價就$198；大酒$780，買二送一先最抵。任飲方面，周一至四男士$250、女士$200；星期五、六男士$300、女士$250，大路價，最緊要抵飲之餘可以見番老友吖嘛。



■粉紅色梳化好搶眼喎。




■ 21年威士忌，絕對係經典。




■埋邊「 U」形梳化位，人多啱圍埋玩都得。




■大廳闊落，梗有鏢機俾大家玩啦！


（地址：尖沙嘴山林道 21號永勝商業大廈 4樓）