想任飲夠抵又好玩，不妨嚟赫德道嘅「 UFO」。先講價錢，星期一、二、四，男士$160、女士$100；星期三 Ladies' Night，男士$200，星期五、六男士$250、女士$100；星期日男士$160、女士又免費。女士差不多日日都咁抵飲，真係應份多啲嚟撐場；就算最旺嘅周五、六，男士都係合理價。另外，酒吧有款 Game叫「挑戰王」，意思係你最叻玩邊樣枚，只要入場時寫低，酒吧到時到候就會 Group埋一班志同道合嘅人一齊玩，絕對係有心思。除咗好玩，更係識吓新朋友嘅好時機。
■設計夠 Cyber Feel，而且又有大梳化，絕對係 Clubbing好地方。
當然嚟酒吧，其中一個目的就係睇吓足球直播，呢度梗有啦，而且一班員工都識講兩句波經 o架，好似侍應 Angel就話：「八強最好睇就梗係曼聯又對車仔啦，呢對世仇宿敵由聯賽爭到歐聯都唔係第一次，而且兩隊最大目標都係歐聯冠軍，所以一定好睇過決賽！」又嚟「車」「曼」大戰，相信唔少人又要捱通頂睇波囉。
■想搵高手猜枚，嚟參加「挑戰王」啦！
■酒吧玩意多，鏢機當然唔會少啦！
■門口勁 Sharp，離遠都認得。
（地址：尖沙嘴赫德道 11號）
