酒水方面，歡樂時光就$108一 Set啤酒，正價就$188；大酒$588，抵飲之餘，呢度嘅爆穀仲係任食，佐酒一流，梗係有優點先至做得我至愛啦！
酒吧不設拳手，好在我都搵到靚女 Promoter Alby同我影相，問 Alby最憎邊個領隊？「我淨係識摩連奴、費格遜、雲加咋喎！」咁三個有邊個你最唔鍾意呀？「唔，梗係阿仙奴嘅費格遜啦，唔夠利物浦打就話人茅！」阿仙奴、費格遜，仲要對利物浦，答案昭然若揭： Alby係唔識波嘅。不過無所謂啦，最緊要開心嘛， Alby，我幫你要多 Set酒點話啫！
■獨立梳化，坐落又幾舒服吓！
■吧頭對正大電視，一個人嚟睇波都正！
■ Online鏢機大把人爭住玩！
■每星期都有不同特色小食。
（地址：旺角太平道 6A號地下）
