■龍袍做裝飾，配合番酒吧名字。
門口有私家夠晒派頭，唔係間間有；入到去張張枱都係大梳化，無論你人多定人少，坐上去直頭有做皇帝嘅感覺；另外，上樓吧少有嘅長吧頭，呢度一樣有。娛樂設施方面，有大投射唱 K，又有鏢機，乜都夠啦！最重要係客路斯文，靚仔靚女居女，好似今日就俾我識到阿 Ling，原來阿 Ling都係第一次撑場咋，佢覺得呢度環境勁好，日後都會同朋友嚟 Clubbing。問到靚女有無睇開足球，「都有嘅，逢星期六晚都踢，出嚟飲嘢點都會睇到識到。至於歐聯對決，我就最想睇車仔對曼聯，世界之戰唔在講，呢兩隊是但一隊係冠軍隊都唔奇，所以，呢場波嚟緊都一定要睇！」
講完波，報埋酒水，咪以為地方咁大咁靚仔收費一定貴，非也，嗱，歡樂時光$128一 Set啤酒，正價就$158；大酒$888，買二送一。做任飲都可以，嚟到面議啦！
■唔係吹水，梳化大到當床瞓都得呀！
■雖然係上樓吧，都有四正大吧頭。
（地址：尖沙嘴山林道 17-19號山林中心 1樓）
