日本我撐你之二：用錢支持最實際 S18

好耐都無落「 S18」玩，上星期去到又有一批新拳手，真係服咗佢，家咁難請拳手，都可以 Keep住俾啲客人新鮮感，值得一讚，難怪間場成日都咁旺，而我每次嚟到最鍾意就係掟吓 Online鏢機，同埋坐近大投射睇足球直播。如果係人多，可以考慮入 VIP房玩，最低消費$1,500，可容納 15人玩，計落每人都係$100，而且有獨立卡拉 OK，生日聚會絕對可以一諗。酒水方面，歡樂時光就$120一 Set啤酒，正價就$198，大酒兩支$1,200，三支$2,097仲送多一支，公價抵撐。


■大投射睇波一流，嚟緊睇國際賽知碇啦！


介紹完酒吧，當然要搵啲甚有日本娃娃 Feel嘅拳手影吓相啦，問到呢位靚女 Vicky點樣支持日本，「我早就捐咗錢啦，雖然日本以前係蝦過我哋，但都係上一代嘅事。大家都係黃皮膚，都應該幫吓佢哋嘅。另外，我仍然會撐日本出嘅化妝品，話就話輻射會有影響，但出得口應該無問題！」行動支持係最好嘅，我都一於撐多啲日本，買多兩場 J-league，支持埋足球事業。



■大廳熱鬧，上親嚟都俾佢氣氛感染飲多兩杯。




■ VIP房最平$1,500起，平均一人一百都好抵。




■鏢機有新款 Online亦有舊式，絕對照顧周到。





（地址：尖沙嘴漆咸道南 53-55嘉芙中心 3樓）