「英格蘭無埋唔知點算」
尖沙嘴漆咸道南一帶酒吧林立，世界盃賽事直播理應大收旺場。然而，上周末卻未見人頭湧湧的情況，據在該區經營酒吧行業近10年的陳小姐指，今屆世界盃的生意可謂是最差的一屆，生意額下超過五成。
「上屆16強嗰場啲客多到要企，但係家就有成10張空枱，希望往後生意可以好少少啦。」陳小姐訴說，今屆極多爆冷賽果，客人輸多贏少，削弱了消費力。另一間酒吧負責人黃先生亦稱，生意額較上屆明顯下跌，即使有強隊出賽，亦未必爆滿。
港九酒吧業聯會總幹事李沛林坦言，「家咁多競爭，茶餐廳、商場、馬會都有得睇，使咩吓吓落酒吧吖。有啲行家仲講，唔好講上升，保持到好似平時咁已經好好啦。」
他指，今屆賽事觀賞性低，除英格蘭較受歡迎外，其他球隊的號召力都一般，連帶生意也往下沉，「家連英格蘭都無埋，真係唔知點算」。
茶餐廳幾乎晚晚爆棚
不過，收費較便宜的茶餐廳卻異常旺場，北角一間茶餐廳負責人鄭先生透露，近半月生意額較平時上升三成，幾乎晚晚爆滿，「好似烏拉圭對南韓，我哋都無諗過爆，最後都係爆咗，咁英德大戰就更加唔使講啦」。 新報記者
