世界盃後遺症之二： Sell酒難咗

睇咗成個月波，落酒吧真係有啲唔慣，好似少咗件事要做咁，明明玩緊啤牌，都慣性望一望電視，唔止我，連 Promoter靚女阿 Yen都話唔慣，「世界盃期間 Sell酒好容易，尤其係去到啲任飲場，人客更加無所謂，個個掛住睇波；家啲人又腌尖番， Sell到口水乾先得，我真係好懷念世界盃喎！」

世界盃一過，生意點都會回落少少，不過，只要係好玩場，一定多人幫襯，好似「 Dizzy Club」咁，係唔錯嘅 Clubbing場，女士可以上嚟大唱 K歌，所以靚女客人多的是；男士猜枚之外，仲有兩部最新 Online鏢機玩，搞到飛鏢區都人頭湧湧。酒水方面， Normal Hour一 Set啤酒$178，大酒$680。任飲方面，星期日至三就男士$200，女士$100；星期四 Ladies Night加 DJ打碟，男士每位$280； Weekend就男士$250、女士$200，價錢抵飲，而且又夠繽紛 Party Feel，上嚟玩絕對唔會悶。