英超就嚟開波，唔少球隊都想開波之前快啲招兵買馬，而今期新貴一定係德國嘅奧爾斯，呢位德國嘅進攻中場有幾掂喺世界盃時已經證明晒啦，難怪連曼聯嘅費 Sir都話拎定錢出嚟。不過，瘦田無人耕，耕開有人爭，死敵車仔又話有興趣，西甲嘅皇馬又話啱用，都唔知邊個真！一於問吓「 Bar Pacific VII」嘅靚女阿 Cat又點睇，「最大機會梗係車仔要啦，皇馬唔使講肯定係流料，成個卡卡喺度點解仲要買人先？曼聯喎，費 Sir最興齋睇唔買，何況啱啱 3比 1贏車仔，隊波有晒默契，擺明開波之前做吓戲嚇吓班友仔嘅啫。費 Sir呢招都唔係第一次用啦！車仔知曼聯要就一定搶，貴一貴都搶。不過，話時話又的確啱用，用嚟頂替波歷克個位啱晒！」咁又係，仲要啱啱輸完波，一定搵啲嘢賴，最啱就係話唔夠人腳，等老細畀錢買。
■百吋大投射，唱 K好似開演唱會咁款。
至於成唔成事，最快都要月尾至知。但係星期六就開波，都係搵間吧睇波緊要啲，今日介紹嘅呢間吧，喺正高登附近，夠晒方便易搵。靚女拳手唔少，個個猜得又飲得，加上呢度酒水唔係貴，一於同佢哋死過。 Happy Hour一 Set啤酒$120， Normal就$180，買三 Set送一 Set；大酒$680，一樣有三送一。唔想猜枚？淨係望住個百吋大投射睇波唱 K都唔悶啦！
■$3,888套餐包你飲到嘔。
■ Purple Pacific$50
■長梳化夠晒舒服。
（地址：深水埗元州街 68號地下）
