酒水方面，行任飲制夠方便，星期一至四男士$180、女士$120；星期五，男士$200、女士$150；星期六男士$250、女士$180；星期日男士$150、女士$50，價錢一啲都唔貴。最重要係靚女多，好似阿花咁，人靚又 Nice，影相好 Easy，佢嘅強項就係掟鏢，想挑戰佢都隨時奉陪，不過，又唔知佢識唔識睇波呢？「唔好玩啦，蒲得酒吧就一定知啦，我嘅愛隊就係曼聯，我睇佢今年百分之九十九攞硬冠軍，上年咁嘅人腳都差啲追到車仔，今年成隊波默契仲好啲，而幾個新兵又對辦，相比起其他車仔有青黃不接現象，曼城隊波太多問題球員，利物浦更加眾叛親離各有異心，最大敵人都係阿仙奴。不過，講穩定就肯定係曼聯好啲。有咁多理據支持，買定佢攞冠軍都得！」
■阿花猜枚麻麻，不過掟鏢就好有水準。
■睇見呢盞燈就知老細花過心思搵。
■新款 Online鏢機，又多個地方可以玩。
■吧頭靚仔，勝過唔少尖沙嘴酒吧裝潢。
■ VIP房有兩間，開 Party最啱。
（地址：旺角登打士街登打士廣場 17樓）
