我愛 o靚模之六：鹹過鹹書 Club Else

香港地有人撐 o靚模，亦有大把人反 o靚模，靚女當然多人願意睇，但有時過咗火又的確令人反感，「 Club Else」嘅 SaSa就絕對係唔撐嗰隻，「雖然大家都係女仔，但點撐得過呀，有時行過書報攤，見到啲八卦雜誌封面，全裸之餘淨係搵對手遮住個胸，再唔係大大條事業擺正中間，仲有最衰就係走光打格仔，睇見都眼寃，污染視覺呀！有時會諗呢啲書嘅封面仲鹹過鹹書，鹹書都有袋包，呢啲書我打死都唔買。其實搞到啲 o靚模形象咁乞人憎，傳媒都有少少責任！」我哋都有責任？但係諗番轉頭，啲人就係睇呢啲封面先買 o靚模書噃，世事嘅嘢就係咁矛盾 o架嘞！

計我話，有錢攞嚟飲酒好過，何況呢度酒價相宜， Happy Hour一 Set啤酒$120， Normal就$210，大酒一支$720，買三送一。唔想煩 Join任飲囉，平日男士$220、女士$150； Weekend男士$280、女士收費全幢最抵，$200；星期二仲有 Ladies' Night，男士$300。有靚女到場就梗有 DJ打碟啦，而且襯埋個 Video Wall夠晒好氣氛。再唔係，鏢機有兩部，即場同朋友鬥玩 501都得；斯文啲可選擇唱吓 K，行 K-net新歌一定多，抵過上卡拉 OK玩多多聲啦！