其實，呢間吧可以話係搞 Function嘅專家，簡單一隊 Live Band都有聲有色，雖然班拳手就怕醜咗啲，但好在仲有靚女 Promoter Yannes肯講幾句：「 Function，就梗係呢一個啦！」話口未完，一個着住透視裝，勁短睡衣加 Sexy內衣嘅靚女就行 Catwalk出場，我數過，應該有四位靚女咁多 o架，佢哋行完一圈之後，就改穿三點式泳衣、內衣，我當堂「嘩！」咗出嚟之餘，個口仲合唔埋係咁流口水，真係勁失儀態！好彩全場好似我成口口水嘅男人多的是，都叫做無咁尷尬咋。原來呢日係酒吧搞嘅內衣 Party，講真一句，超正，完全係我嘅 Dream Function，抵撐！
■未開 Show都勁熱鬧！
當然， Function吸引之外，呢度嘅環境氣氛一樣吸引，全場大梳化，又有 Live Band、大投射，嚟過就知好玩，酒水方面， Happy Hour一 Set啤酒$128， Normal係$198；大酒$730一支。任飲方面，平日男士$250、女士$200；星期五、六男$300，女$200，價錢唔算貴，最緊要好玩！
■透視、比堅尼、內衣行 Catwalk，仲要行埋上吧頭，呢啲 Show十個讚啦！
■平日仲會有 Live Band陪你唱 K。
（地址：尖沙嘴漆咸道南 11-15號余仁生中心 2樓）
