咁又係，你強項係邊隻 Game呢？「無話強唔強項嘅！我最鍾意玩搶金磚，呢個 Mini-game嘅玩法係大家先掟一次分數，之後就開始計兩者分差，要掟到高過分差先會有金磚，三鏢都掟唔到就會無分無金磚，要等下一 Round再掟番同樣分差先有。想攞好嘅 Record就最緊要識計數，掟得高分有時都未必有着數 o架。」聽佢咁講，好似有啲料到喎，好，一於報埋酒水挑戰吓佢。
呢間酒吧絕對係掟鏢好地方，鏢機夠多夠新，又多飛鏢用的配套物品，對掟鏢有興趣嘅朋友一定要上嚟玩吓。酒水價， Happy hour就$128一 Set啤酒， Normal就$188；大酒$680一支，三支$1,800。任飲平日就男士$200、女士$150； Weekend就男士$300、女士$200。報告完畢，即刻揀番張靚卡開鏢先！
■酒吧特別多飛鏢配件，想整支私家鏢話咁易。
■畫面咁靚，唔怪得呢期咁多人玩啦﹗
■呢度有多部鳳凰機，唔使等好耐就有得玩。
（地址：尖沙嘴赫德道 15-17號海信大廈 2樓）
