環境睇落又的確唔錯，可能前身都係酒吧嘅關係，所以基本嘢都無乜點改，鏢機、卡拉 OK、足球直播樣樣有，基本設備齊晒料。酒水方面， Happy hour一 Set啤酒$114， Normal就$198；大酒$780，三支$1,800。任飲平日男士$200、女士 150； Weekend就男$250、女$220，價錢同附近差唔多！
■員工好 Nice，我影相，一樣咁 Welcome！
靚女方面，拳手怕醜唔肯上鏡，好在仲有一位靚女 Promoter撐吓我，睇真啲原來識得嘅喎，就係馬諦氏 Promoter Chara，既然識得，梗係要影多兩張，順便問埋料先。
「我知，你呢期講歐聯吖嘛，講波我都識識哋嘅，我自己就撐國米嘞，雖然人哋話換咗教練，無以前咁勁，不過，隊波攻力有增無減，睇佢意甲 Keep住喺榜首就知啦！唯一覺得有難度嘅係，可唔可以衞冕啫，因為聽人講歐聯魔咒就係無得連攞兩屆！希望國米可以打破宿命啦！」
■門口大大個「我愛你」！
■鏢機一樣有，不過 Chara開工唔玩得啫！
■呢期興飲馬諦氏，唔使再講啩！
■長方形設計，簡約舒適。
（地址：尖沙嘴山林道 34號地下）
