酒吧潮飲葡萄適 Alert之一：溝 Volka好易醉 Relax12

係呀！無睇錯，酒吧呢期興飲嘅飲品，係葡萄適 Alert，仲要係醒腦醒神嗰隻，不過，當然唔係淨飲啦！其實我最初都唔係好為意，不過走咗幾間吧，發現做乜張張枱都有幾樽葡萄適 Alert，於是去到「 Relax12」終於忍唔住問吓 Bartender，「係呀，呢期唔少人都興用葡萄適 Alert溝酒飲，不過，溝還溝就唔好溝太多落一杯酒度，而其中溝 Volka就比較好飲！味道好似溝咗少少橙汁咁，幾特別，但就幾掯吓，無番咁上下酒力都唔好亂試。」講真，之前我都未試過咁溝嚟飲，應該唔會飲壞人嘅，想落酒吧同人有話題，點都要試吓啦！
講完酒，講番呢間上樓吧，地方唔算大，不過鍾意掟鏢同唱 K嘅朋友一定啱玩，鏢機兩部唔算多，但就有好多高手同你切磋！鍾意唱 K亦唔會失望，大電視夠多，音響夠靚，唱起嚟勁有 Feel。酒水方面相當抵飲， Happy Hour一 Set啤酒$108， Normal就$168；大酒$600，$1,588有三支。任飲，平日男$200、女$150； Weekend就男$250、女$200。今日就嚟試吓呢種溝酒飲法，睇吓邊隻啱你口味？





■咁多靚女 Sell，點都要試吓啦！




■吧頭夠晒長。




■溝 Volka你試過未？




■酒吧仲有鏢徽，揀番個啦！