歐聯我最勁之一：巴塞實力超強 AT

歐聯賽事唔經唔覺踢咗兩回合，相信唔少球迷都捱晒眼瞓，我就覺得睇波一定要落酒吧先得，事關喺屋企攤係度睇真係好易瞓着，落酒吧，一班朋友又好，一個人又好，現場氣氛搭夠，一定唔眼瞓，當然最好有靚女同我猜住骰盅就最正啦！呢一點，我一定要撐寶勒巷嘅「 AT」。





■長方形格局，簡單又舒服。


呢間分店雖然無赫德道嗰間咁大，不過，環境一樣唔差，特別係睇波，每個位附近一定有電視夠清楚。酒水方面又唔貴， Happy Hour一 Set啤酒$120， Normal Hour就$195，大酒$850，買二送一又好抵！當然，呢度梗有靚女拳手同你猜兩板啦！好似 Joey咁，份人好 Nice，影相當然無 Say no啦！問吓佢今年支持邊一隊先，「唔使講，一定係巴塞啦，呢隊波今年一樣實力超強，作客主場都信心爆晒燈，而主要對手都係得皇馬同國米，我睇四強就梗 o架啦，踢波有時都係講吓七分技術，三分運氣，希望佢今年有番啲 Luck啦！」






■人多仲有小偏廳俾你揀！


（地址：尖沙嘴寶勒巷 10號 1樓）