呢間場環境都幾 Grand吓，長吧頭、梳化枱，仲有 VIP房、卡拉 OK、鏢機樣樣齊，靚女拳手亦唔少，酒水方面， Happy Hour一 Set啤酒$108、 Normal就$198；大酒$688，買三送一。任飲平日男士$200、女士$150； Weekend就男士$280、女士$200。 VIP房低消$1,000有得玩。
而且，最緊要係多靚女，好似 Queenie同 Kaco兩個都人靚枚強，小弟自問玩十五、二十都跟唔上佢哋，勁！問到 Queenie有乜心水 Function，佢話：「梗係搞卡拉 OK大賽啦，簡單又好玩；而且唔少人都鍾意演吓歌喉 o架嘛，唔係啲電視台巨聲比賽點會咁受歡迎先？信我，一定逼爆場！」講得啱，而且，好聽就大家拍吓手，唔好聽都得啖笑，幾好呀！
■有多部大電視，唱 K最開心！
■家做酒吧，無番部鏢機點似樣呀！
■勁靚長吧頭，大電視睇波正啦！
■坐梳化定高枱，請隨便。
（地址：尖沙嘴棉登徑 8號地下）
