入到去，感覺氣氛唔錯，燈光剛剛好，猜枚劈酒一樣可以，頭頂有盞大吊燈，又夠 Grand。酒水方面，歡樂時光$100一 Set啤酒，正價就$138，大酒$550。你無睇錯，我無寫錯，呢個價確係抵到無人有，我睇，行勻成條街都未必搵到。
■門口有多支珍藏結他，唔睇清楚仲以為呢度教音樂。
咁筍嘅價錢加上咁正嘅環境，相信未來一定旺場，而且亦有靚女拳手助陣，不過，拳手怕醜，點都唔肯影相，好在俾我識到個靚女客人 Jamie啫，雖然佢都係第一次嚟，不過佢都話會再撐場。唔知靚女 Jamie又撐唔撐香港運動呢？「梗係唔撐啦，雖然香港今屆喺亞運成績不俗，不過，嚟緊真係要攞 50億搞亞運嘅話，我就舉腳反對，呢個時候， 50億真係好有用，不如攞嚟幫吓啲想置業人士仲好啦！」
■長方形設計，環境屬於舒適嗰隻。
■有盞大吊燈，成間吧感覺 Grand晒！
（地址：太子西洋菜北街 185號地下）
