■一個人上嚟可以坐吧頭，搵 Vicky飲酒猜枚。
唔知國米今次換完領隊之後，「 Aqua」靚女 Vicky點睇呢？「換領隊之餘，最好就梗係搵埋卡卡嚟國米啦！有佢中場發電，意甲喺歐洲球壇都仲有一力同西甲、英超鬥吓嘅！」卡卡轉會，我諗好多人都唔想，因為大家都想睇吓有埋卡卡嘅皇馬可唔可以反勝巴塞。
講完波，就要介紹大家大除夕到呢間場玩吓啦！當晚除咗全場玩倒數之外，仲會搞大抽獎，有現金獎，亦有大酒抽，想發 2011年第一個新年財運一啲都唔難。酒吧環境方面，地方雖然唔算大，但每個座位都坐得好舒服，有鏢機、卡拉 OK等娛樂設備；當然一定有吧頭，單拖上嚟飲酒都有 Bartender陪你！
至於除夕酒水，啤酒$218一 Set，大酒$798一支；不過，要抵就梗係揀任飲啦，男士$350、女士$300，飲到 2011年，開心啦！
■聖誕佈置咁靚，擺多陣都幾好吖。
■大節夠旺場，有時人多到鏢都無得掟，不過，最緊要係上嚟一定玩得開心。
（地址：尖沙嘴亞士厘道 27號 5樓）
