呢間酒吧雖然唔喺市區至旺嘅位置，但一樣大把人撐。都係嗰句，香港有幾大吖，就算開得偏些少，都好容易去到，而且酒水平，歡樂時光啤酒$120一桶，正價$180；大酒$588一支，夠晒心動價嘞啩！另有紅白酒同香檳都係$280支，抵飲之餘，環境唔錯，設備齊全，有 K唱有鏢掟，當然亦有足球直播。經常喺呢頭出入嘅朋友，更加啱蒲啦！
■地方夠企理，唔係旺區一樣咁有水準。
■鍾意掟鏢，可以搵阿芝鬥番 Round。
■ Touch Screen點歌快捷方便。
■紅酒、白酒、香檳都係$280起！
（地址：新蒲崗彩虹道 70號地下）
