呢個靚場，睇得出係落足心機搞嘅，全場大梳化，又有鏢機區，卡拉 OK、足球直播乜都有；而且酒水唔貴，主打任飲，星期一、五，男士$280、女士$188；星期二至四，男$250、女$120；星期六男$280、女$150；星期日不設任飲。最特別星期一至五都有女士短裙之夜，身穿短裙嘅女士即可以$1任飲，勁抵啦！
■鏢機區又近吧頭，正統設計！
所以呢度靚女的確多，隨手捉個靚女問吓佢對巴塞點睇先！ Cathy話：「講真邊有得同巴塞踢 o架，除非敵隊打多兩至三個啦，咁就有機會打吓嘞！」吓，咁慘？或者相反諗，踢低巴塞兩個得唔得呢？
■吧頭夠大，多人都唔怕逼。
■全場梳化，舒服又好 Feel。
（地址：旺角彌敦道 580號 G-K彌敦中心 15樓全層）
