■窗口位都有兩部投射，任何位置都睇得清楚啦！
上到去，一定搵好友米米猜兩板先啦，問米米鍾唔鍾意追劇，發現靚女同我原來勁啱 Key，「我都唔睇電視，要睇我寧願睇英超好過，球來球往，刺激之餘，最緊要唔會話強隊必勝先好睇，好似今日呢場咁，又睇吓輪到邊隊失分！」大家都係英超迷，零舍啱嘴形，大家一邊睇一邊講波經，搞到我都差啲唔記得問酒水。好在半場休息嗰陣省起，即刻報埋畀大家聽，歡樂時光$120一 Set啤酒，正價$198；大酒$1,200有兩支，送埋小食，勁抵飲！環境方面，大電視夠多，睇波最啱，而且又有 Online鏢機，上嚟玩，好難會悶啫！
■自己最鍾意都係坐近百吋大投射，睇波勁 High！
■ Online鏢機呢度一樣有得玩。
（地址：尖沙嘴漆咸道南 53-55號嘉芙中心 3樓）
