亞洲盃 Kickoff之二：點都要撐中國 Relax12

唔少酒吧大節過後都會靜一輪，不過當然有例外啦，好似山林道其中一間上樓吧「 Relax12」，上星期諗住影相，順便飲吓嘢，入到去旺到爆場，座無虛席，連 VIP房都早就俾人 Book滿，老闆儀媽當然開心啦，笑笑口好謙咁話：「多謝熟客撐場啫！」傾傾吓，就已經有熟客話要儀媽一齊玩，我就梗係唔客氣啦，乘機話：「不如嚟個合照先啦！」客人 Nice又大方， No problem！影完相再巡一巡，原來呢度都換咗新款 Online鏢機，鏢客又多個新聚腳位，梗旺場啦！


酒水方面，歡樂時光$108一 Set啤酒，正價就$168；大酒$600一支，三支都係$1,588。平日任飲男士$200、女士$120； Weekend就男士貴五條草，即係$250、女士一樣係百二蚊，真係好抵！大酒、同女士任飲都平過出面好多，唔怪得咁多女士捧場。其中 Alice正係呢度熟客之一，問佢亞洲盃諗住貼邊隊攞冠軍，「香港囉！」好似無份喎，「咁中國有啩。一於支持吓祖國足球！」我都想，但日本、南韓都好似好勁，仲有啲中東國家，所以，我個心撐，但唔會買佢囉！


■一班熟客好 Nice。



■梳化後有長吧頭，轉個身就可以叫 Bartender整 Cocktail夠方便。



■ Online鏢機當然吸引不少客人到場。



■酒吧夠旺場，記得早啲上嚟搵位。


（地址：尖沙嘴山林道 21號永勝商業大廈 12樓）