講真，呢期銅鑼灣唔係好多好酒吧，而呢間係我覺得做得最有誠意嘅酒吧之一，地方大，設施齊，酒水唔貴，歡樂時光$120一 Set啤酒，正價就$195，大酒$780。特別一提係，佢尖沙嘴赫德道分店星期五晚有「 Rubber Band」表演，係 Fans嘅記得捧場嘞。
介紹完酒吧，又梗係問吓一班靚女有無好波講吓啦， Kally：「梗係有啦，阿仙奴對巴塞隆拿真係超好睇，由贏變輸，我撐開英超都好感動！唔使講，嚟緊次回合我一定再撐阿仙奴，地上最強呢個稱號要到此為止。」
■吧頭對正大電視，睇波一流。
■酒吧設有 DJ台，每有特別日子都有 DJ打碟搞氣氛。
■酒吧有不少獨立大梳化，人多上嚟都唔怕逼。
■ VIP房夠晒大，連吧頭都有，問你服未！
（地址：灣仔駱克道 382號莊士企業大廈 2字樓全層）
