■睇到 Carol呢身呼之欲出嘅造型，有乜辦法唔心跳加速？
■呢個場有咁大隊拳手駐場，唔怕無人陪你玩，至怕你飲唔落咋！
全因梓聖哥係「 BUBBLES」嘅老闆仔，而佢個場出名靚女多到識唔晒，咁你話嘞，做佢女朋友唔驚就假啦！
講真，平時真係同梓聖哥有兩句心底話傾，就好似上次咁，佢個場搞聖誕大抽獎，頭獎係機票兩張，話晒都叫做同佢有啲交情，兼久唔久會寫稿介紹吓佢個場，所以就斗膽問句：「梓聖哥，有無得造馬先？」估唔到佢用咗唔夠零點九秒就斬釘截鐵咁答：「無！」雖然俾佢兜口兜面拒絕，但我從嗰一刻開始亦真正欣賞佢為人咁公正，所以佢老人家開到聲話失戀，我梗係即刻蒲頭慰問啦！
殊不知，一入到場就見到梓聖哥四萬咁嘅口，又話失戀嘅，因乜解究失得佢咁開心呢？最令我驚恐嘅係，坐喺佢身邊嗰位正正就係人氣 o靚模，有浸大 E神之稱嘅楊梓瑤，仲要一身超低胸打扮，唔怪得佢條死仔失戀都笑得咁鬼 Sweet啦！早知係咁，我就唔使推晒啲約會嚟陪佢啦！
拳手大晒冷
不過，一場嚟到，我都無損失嘅，起碼見到 E神吖；話時話，點解靚女會嚟尖沙嘴 Clubbing？話晒都叫做有啲人氣，唔怕俾人圍咩？梓聖哥即刻解畫：「貓兄，今日係我間場四周年之夜，所以咪請班靚女嚟贈吓興囉！」哇哈哈，都話好人有好報，如果唔係我心地好，諗住嚟安慰吓老友，又點會撞到咁十年唔逢一閏嘅奇景呢？呢鋪真係「善 Joy善 Joy」。
其實，即使唔係四周年咁嘅大日子，呢個場逢星期三晚嘅 Ladies Night都係旺到不得了。無計啦，九龍區好玩多女又夠氣氛嘅 Clubbing場寥寥可數，難怪呢個場嘅 Ladies Night入場消費雖然比同區輕輕貴咗少少，男士位位$320，但照樣座無虛席客似雲來。
雖然已經夠晒旺場，但梓聖哥仲嫌唔夠，所以最近增設埋拳手，而且係成隊咁請返嚟，全部猜得、飲得又玩得，總之掂啦！
■呢個場真係撞口撞面都係呢啲超班質素，問你服未？
■連久未露面嘅 o靚模始祖 Maya都蒲頭，呢個場有乜辦法唔旺過旺角？
■真係無誇大 o架，呢度堅係超多高質靚女。
■呢位啤酒女郎楚楚可憐咁，點捨得唔幫襯佢先？
地址：尖沙嘴諾士佛臺 1號 6樓全層
