棉登徑一向都係尖沙嘴酒吧重地，一向喜愛 Clubbing的朋友都會選擇此處的酒吧，貪佢客路夠斯文，而且，環境亦比一般樓上吧舒適，而我每次去一定會揀「 Pub E'nW」。上星期同朋友 Clubbing，入到去又有新的感覺；酒吧格局大執位，門口設有半開放式吧頭，最啱俾人邊飲酒邊唞氣，吧內座位寬闊，係 Clubbing客人喜歡呢度嘅主因之一。設備方面，加設大投射，播放最新 MV，又有最新 Online鳳凰鏢機，令全間酒吧都熱鬧起嚟，熟客亦鍾意坐 L形長吧頭，方便邊飲生啤邊同 Bartender傾吓偈。有時去吓呢啲吧，輕輕鬆鬆，唔使下下都全場人劈到醉生夢死，更加舒服。報埋酒水價，歡樂時光$22支啤酒，正價$32支，大酒$750，同一條街算抵飲啦﹗
雖然，呢度無拳手同大家猜枚，不過，一樣有靚女侍應招呼，好似阿 Cat咁，同佢第一次見，但佢都好 Nice肯俾我影相，又肯答我問題，「講真$6,000又唔係好多，你話點使其實都好有限，攞部份買自己想買嘅嘢，另外攞啲出嚟做吓善事咁啦！不過，其實與其咁樣派錢，我反而望政府留番啲錢，幫吓啲『百無』窮人，又或者諗計打壓物價，咁至係長遠解決民生問題之道。」
■ L形吧頭最適合飲住生啤睇吓電視。
■新設的鳳凰鏢機吸引一眾掟鏢客人。
■大投射播外國 MV，令酒吧時尚不少。
■門口半露天設計，煙民最愛！
（地址：尖沙嘴棉登徑 28號地下）
