話明主打勁歌熱舞，酒吧有齊 DJ打碟設備，每晚都有 DJ打碟，唔似其他酒吧要 Weekend先至有，所以即使係平日，氣氛都超一流。環境方面，張張大梳化，正好畀大家跳完舞休息之用，再唔係，可以坐吧頭飲番杯，睇吓有無靚女出現都幾好！
當然靚女嘅嘢真係可遇不可求，好彩今次有運，俾我識到 Carmen，影靚相之餘，原來大家都好啱嘴形。咪心邪，我指大家都好鍾意皇馬呢隊波啫， Carmen話：「皇馬八強對新丁熱刺，相信問題應該不大啦，事關近期賓斯馬着晒火咁入波，加上 C朗呢個入球機器，點秤都贏晒先啦！又有國米之前曾經輕敵嘅借鏡，再入四強可以話手到拿來！」
■全套打碟器材有齊，唔會齋播音樂咁老土。
■梳化夠大張，坐得舒服。
■燈光調暗再加上 Laser光燈，勁有 Party feel。
■大廳仲有長吧頭，飲吓 Cocktail吓女幾好 o架！
（地址：尖沙嘴山林道 21號永勝商業中心 2樓）
