酒吧長方形格局，有多部上牆大電視，另外又有鏢機、卡拉 OK，設備齊全。酒水價，歡樂時光$108一 Set啤酒，正價$168；大酒最抵$580。仲有拳手同你猜兩板，呢啲先叫酒吧 o架嘛。
■阿冰最愛落嚟同朋友掟吓飛鏢。
不過，今日拳手就好怕羞，好彩有靚女熟客阿冰同我影相兼吹水，「我最討厭就係曼城嗰個領隊文仙尼，成日以為自己隊波好勁；講真，佢哋隊波用錢砌出嚟之嘛，勁個屁，作客唔穩，主場又僅熟，同熱刺、阿仙奴、曼聯比較，仲差成班，所以，今年我都一樣睇死佢入唔到前四居多！」
■長方形酒吧簡約又舒服。
■想飲咩 Cocktail，開句聲，一定溝到畀你。
■門口塗鴉，特別過用 LED招牌。
（地址：太子西洋菜北街 306-310號地下）
