日本我撐你之六：我撐日本星 Bubbles

昨晚就有大地震籌款，香港人雖然口口聲聲話窮，但做起善事又幾有愛心。都唔奇嘅，尤其唔少香港人都鍾意日本，日本明星亦係港人偶像，好似「 Bubbles」嘅熟客 Winnie都係日本明星 Fans。「香港邊個未睇過木村嘅日劇 o架，又有邊個未聽過安室同濱崎步嘅歌 o架。日本藝能界對香港都好大影響，所以，撐日本之餘更加撐埋日本明星！」講得啱，我都好撐日本嘅 AV界，絕對唔應該因為天災而消失嘅！




■星期三 Ladies Night，有興趣早啲到。


講完日本，講吓呢間酒吧，可以話係尖沙嘴高檔嘅一間，位於諾士佛臺 1號 6樓，好有特色同時尚感， 20呎長吧頭係同區酒吧最長，配以店內兩盞雷射燈及每晚十時後不停播放嘅 Hip Pop同 R&B音樂， Clubbing感覺超正！加上有落地玻璃，成條諾士佛臺繁盛夜景望晒，夠晒特別。酒水方面，歡樂時光$120一 Set啤酒，正價就$208，大酒$888買二送一。特別一提係，逢星期三係 Ladies Night，場夠高質，女客一樣有番咁上下水準，想識靚女，記得星期三嚟玩吓。



■酒吧有 DJ台，逢星期三都有 DJ打碟搞氣氛﹗




■酒吧環境唔錯，所以 Weekend特別多人捧場﹗


（地址：尖沙嘴諾士佛臺 1號 6樓）