所謂刺激版，當然係飲酒量比以前多啦！舊玩法係，反牌決定做地主之後，其他兩個人都唔可以再話事；而新玩法就唔同，一日未問晒三個人都未知邊個係地主。當然閒家要搶地主係要付出代價嘅，譬如話，最大要飲嘅杯數係一杯嘅話，以前叫咗一杯就無得再叫做地主，但喺家可以第二個再搶，但杯數就加到兩杯起，如是者第三個再搶做，咁總杯數就係三杯，即係話閒輸都要飲杯半，地主爭贏但輸牌就飲三杯。另外，仲有個新 Function就係「亮牌」，即對方打開副牌嚟打，一亮牌，杯數就加到四杯起，當然唔係靚牌唔亮，亮得嘅都有機會春天，春天又要飲多倍半。咁玩法，一 Set酒隨時兩 Round就玩完，真係飲餐飽呀！
■招牌唔一定係一塊塊嘅，一盞射燈都可以。
介紹完遊戲，當然要介紹吓今日嘅酒吧「 C+ Bar」。酒吧環境屬高檔格局，全場裝修都好豪華，發光大吧頭、大梳化、 VIP房， Online鏢機、卡拉 OK有齊，絕對係旺角區 Clubbing好地方。酒水方面，正價時段就$168一 Set啤酒，大酒就$588，抵啦！所以我嚟親旺角飲嘢，都一定撐佢場。
■ Online鏢機吸引年輕一代飛鏢客。
■發光大吧頭，設計顯心思。
■門口有扭蛋玩，都幾特別。
（地址：旺角登打士街登打士廣場 17樓）
