呢度由星期一至五都係 Ladies Night，果然夠 Guts，好嘢！不過都要有條件嘅，就係入場女士須穿短裙先可以$1任飲。條件唔過份喇，大熱天時咁至清凉呀！咁男士眼睛吃冰淇淋，當然要付出代價啦，$280入場兼任飲，一啲都唔貴，撐得過。
在場靚女多，當然猜啲枚都要唔好咁佬啦！我問過一眾姊妹有乜好 Game介紹，靚女 Debbie就有好介紹：「梗係玩『十面埋伏』啦！玩法好簡單，三至四個人就玩得。第一個人先用 10粒骰搖盅，俾第二個估 1至 6嘅號碼，譬如估 3，而有 3粒骰係 3，咁就係估中，唔使罰酒同可以搖骰；估唔中就要飲酒，直到估中為止。輪到第二個搖嗰陣，就俾第三個估，餘此類推。而因為估中嘅骰會抽走，所以骰盅內會越來越少骰，亦即係越難估中啦。所以，到剩番一粒骰嘅時候，搖骰嘅可以畀貼士單雙，直到估中點數就玩完。」嘩！聽落都幾殘酷喎，特別係去到最尾得番三粒骰，估極唔中真係會飲到嘔 o架。
■家落吧，人人都鍾意掟吓鏢 o架嘞。
■星期一至五女士$1入場，仲有邊間場夠佢豪！
■長吧頭，單身男女最啱啦！
■全梳化，電視多，設備十全十美啦！
（地址：旺角彌敦道 580G-K號彌敦中心 15樓全層）
