除咗多嘢玩，環境舒服寬敞，酒水夠平，亦係多人撐嘅原因。歡樂時光啤酒$138一 Set，正價就$168；大酒星期一至四$700一支，就算星期五六都係$750。任飲方面，星期一至四男士$200、女士$150；星期五、六男士$250、女士$200，星期日休息一天。
另外，由於客路斯文客居多，所以有唔少靚女熟客撐場，好似 Zoie就係其中之一，佢話呢度人流唔雜，玩得特別安心。問到 Zoie點睇巨星，佢就話：「巨星有好多種喎，有唱歌嘅有做戲嘅，你要邊款先？」做戲唱歌都無所謂，不過，講咗咁多日，好似都係講啲走咗嘅，不如講吓仲喺度嘅吖，「梗有啦，周星馳就係啦！你睇佢拍嘅戲，香港人就算無睇晒，都一定睇過。而且，家都仲有咁多人抄佢橋，就知佢喺好多人心中嘅地位係無可取代 o架啦！」咁又係，起碼佢有新片，我都第一個爭住去睇先。
■酒吧環境好，自然多人撐場啦﹗
■ Online鏢機吸引不少愛好掟鏢嘅朋友。
■ Long Beach$58
■手指機最啱女仔玩兼攞分。
地址：尖沙嘴山林道 21號永勝商業中心 5樓
