日本我撐你之一：繼續食日本料理 We

311大地震都有一段時間，由於災情嚴重，而且仲係地震海嘯輻射三合一，到家都未搞得掂，唔少港人都驚驚，但仲有唔少人好支持日本喎，先搵「 We」嘅靚女細蚊講吓。「日本咁慘，我哋當然要支持吓啦！我自己就會繼續支持日本產品，因為除咗災區之外，其他日本地區嘅美食都無問題 o架。講開又講，家至知原來日式食店賣嘅十居其九都唔係日本貨，所以食日本料理更加唔使驚！」


真係估唔到食咗十幾年嘅日本料理，原來好多都唔係日本直送，聽落又幾驚訝，都係飲番啖酒定吓驚先。講番呢間酒吧，環境可以話十分之正，梳化夠大，大電視又多，而且有個材料十足嘅酒櫃， Bartender亦校得一手好 Cocktail。另外，又設有 Online鏢機，所以見鏢機區人頭湧湧，一啲都唔奇呀。


■埋邊仲有大投射，唱 K睇 MV一定正！


酒水方面，酒吧喺平時新設咗個 Happy hour任飲價，即係星期一至四晚上 6點飲到 11點，男士$150、女士$50； 9點後先至入場嘅正價就係男士$250、女士都係$100，啱晒收工後嚟 Happy hour嘅朝九晚五客人啦。所以，呢間算係斯文 Clubbing，啱玩就嚟試吓啦！



■唔少人都勁 Buy Online機，難怪鏢機永無冷場。




■酒吧用白梳化，睇得見的舒服。


（地址：尖沙嘴漆咸道南 55-57號嘉芙中心 6樓）