時坐吧頭，自己最鍾意留意 Bartender身後面嗰酒櫃，因為一間好嘅酒吧，除咗賣啤酒、威士忌外， Cocktail都係好重要，試問一班女仔入到嚟唔通會叫一 Set啤酒咩，一定係每人兩、三 Round Cocktail，其實條數都好好計，分分鐘好搵過賣啤酒，好似「 Relax」咁，就有唔少靚女撐場，而撞啱今日生日嘅 Kiko都係 Cocktail支持者：「酒吧出書一定要講 Cocktail啦，一來教點溝酒，二來可以講吓咩味道，有時望住個 Menu都唔知啲酒係乜味，叫咗唔啱飲又唔抵，所以呢本書真係值得出吓。」 Cocktail書其實市面上都有，不過，最好就係香港酒吧各自有心水推介。譬如呢度嘅「 Purple Dream」就一定要試，色水靚味道好。
其實，關於 Cocktail真係一門學問嚟 o架，味道同色水亦要控制得宜，好似一杯紫色嘅 Cocktail，並唔係紅色酒加藍色酒咁簡單 o架，我試過，結果變成黑色囉。最後報埋啤酒價， Happy Hour$20支， Normal就$30支；大酒$680，三支$1,580，價錢算大眾化，環境舒服，鏢機、卡拉 OK、大電視、 VIP房有齊，係唔錯嘅蒲點。
Purple Dream$78
有私家鏢櫃，下次就唔使帶住飛鏢四圍走啦！
大投射唱 K睇 MV都一流。
酒吧周不時有高手掟鏢，想挑戰吓自己一定撑場。
（地址：荃灣青山公路 417號地下）
