每一間酒吧，都有自己嘅特色賣點，諸如環境正、拳手多，或者勁有 Party Feel，正所謂百花齊放，各有各做。之但係，點都好，最緊要都係吸引到一班熟客撐場。好似「 Full Bar」咁，長期有一大班熟客支持；而且熟客當中，唔少係飛鏢高手，技術高超，有興趣搵高手挑戰，嚟呢度就無錯嘞。
當然，不得不提嘅係兩位可愛又猜得嘅拳手 Ruby同 Alice，搵佢哋猜兩板又得，或者齊齊唱吓 K歌亦無問題。加上酒水又抵飲， Happy Hour一 Set啤酒$100， Normal就$160，大酒$680。任飲方面，平日男士$200、女士$150， Weekend男士$250、女士$200，咁嘅價錢，難怪成日都咁旺場啦！
介紹完酒吧，問吓靚女 Ruby關於酒吧出書嘅意見，「要同酒吧有關係，就梗係教掟鏢啦！我哋呢度出名多鏢手，夠晒資格畀意見 o架，掟鏢易學難精，夠準繩又要穩定，仲有姿勢、企位、出手嘅方法，樣樣都有講究，係咪講都唔明呢？所以要出書囉！」講真掟鏢呢個題目又幾啱嘅，加埋名人教路，家興掟鏢，一定有客路。
Blue Kamikaze$58
你掟鏢有幾叻？嚟比過至知！
全場大梳化梗好坐啦！
（地址：旺角太子道西 218號地下）
