特色酒吧 Guide(Give Me Five)

講咗咁多日出書題目，諗諗吓我自己都可以出番本書咁滯；講真，全港邊間旺嘅酒吧唔識我 o架？邊間旺嘅酒吧我無介紹過？所以，如果未旺嘅酒吧或者仲未識我嘅酒吧老闆記得搵我。就好似太子嘅旺場之一「 Give Me Five」，就係我主場之一，嚟得就梗係搵吓靚女侍應 Monqui影張相先啦！

「出書？梗係要介紹酒吧啦！香港有咁多酒吧，又有咁多種唔同類型嘅酒吧，好似蘭桂坊咁就特別有鬼佬 Feel；尖沙嘴嗰啲，就 Party Feel多啲；至於太子區就酒水平啲。全港有 18區，區區酒吧都一定有自己特色，好似我哋呢間咁，成條街出晒名酒水最平，而且又多靚女撐場；睇波嘅話，電視又夠多，鏢機雖然得一部，但高手有好多個，仲有、仲有……」講講吓，咁 Hard sell嘅？
不過酒水又確係平， Happy hour一 Set啤酒$108好平常，但 Normal只收$128就好少見嘞。再望吓大酒價錢，$500一支，呢個價我諗全港數唔出 5間可做到咁平，唔撐點得？即刻同我開兩支，唞吓氣先！

■門口大大隻字報酒水，無花假。