上星期落亞士厘道諗住探吓朋友，點知落住雨都仲要排長龍，而且排到出門口，旺成咁無計啦，好在有兩部都算唔使等好耐，唔使 10分鐘，終於上到 15樓嘅「 Loft15」，好彩仲有枱，嗱嗱臨搵個靚位等班 Friends先，點知十個有九個都遲大到。老友阿詩見我坐到呆呆哋，搵我掟鋪 501，係新 Online鏢機喎，講真相就影得多，玩就第一次。掟完鏢，仲係無所事事，無理由阻住人哋招呼朋友 o架，於是自己唱吓 K打發時間，新歌夠晒多，我最鍾意嗰首《一絲不掛》都有；唱咗幾隻，班豬朋仲未嚟，索性做埋訪問兼影相，俾我識到靚女熟客 Mia，「出書？題材要夠新鮮先得喎，不如講吓一百個飲到嘔的方法啦！」聽落都幾吸引，即刻諗到嘅係猜乜枚最易飲到嘔、點溝酒飲容易嘔、邊隻 Cocktail唔可以飲多……真係資料豐富，但 Mia又話：「有無人買本書係為咗想嘔 o架！」靚女，呢啲防嘔都要知嘅。等多兩等，我都有少少想發火，飲酒降溫先得， Happy Hour$118，過時無得嗌， Normal就$198，大酒$780， 3支$1,780。平日任飲男$250、女$150， Weekend男$280、女$220，人多嚟散叫無着數，一於做任飲，各顧各唔使埋單計數嘛。
Special 15$58
新款 Online鏢機多咗手指鏢配埋嚟玩，多咗女士玩
旁邊仲有小偏廳最啱開 Party用。
全場大梳化無得彈。
（地址：尖沙嘴亞士厘道 23-25號 15樓）
