入到場又真係無失望，四大部最新款嘅 Online鏢機，而且大把人排住隊玩，呢啲場掟鏢就好氣氛嘞，再望吓環境，中間有個大吧頭，最啱我呢啲孤家寡人坐，多朋友嘅話，可以行過少少有大張梳化枱，再唔係 VIP房一樣有，不過，就唔好咁遲嚟，呢個場都幾旺吓，費事介紹你嚟又無位俾你坐啦！酒水方面， Happy Hour就$108， Normal Hour就$168，大酒$680，酒水都算平，特別係喺呢條街。
咁旺靚女當然多，不過個個都好怕醜，好彩有靚女 Promoter Dada幫手，「可以出書教人點樣鑑酒吖，好似威士忌咁，有平有貴，但又有幾多人識得分辨同欣賞？分分鐘行入酒吧問，都無人識答你。所以最好出本書，詳細講解，等多啲人識飲之餘，仲要識欣賞先得 o架嘛！」
啲人話新場先要守，但呢度咁旺，唔使愁啦！
叫得 Hot Shot一定多鏢友捧啦！
啤酒大酒之餘，仲有多款生啤供應。
（地址：尖沙嘴漆咸道南 53至 55號嘉芙中心地庫）
