今年首五個月海關拘捕的跨境濫藥 21歲以下青少年減少近七成，只有 7人。有社工指出，青少年轉往本地樓上酒吧及網吧等較隱蔽場所濫藥，增加輔導困難；濫用的毒品種類亦轉為可卡因及冰毒等，相信與可卡因價格下降及索 K「索到純咗」有關。
今年首五個月海關在陸路管制站偵破 7宗涉 21歲以下青少年的毒品案，共 7人被捕，較去年同期的 22人激減 68.2%，撿獲毒品數量及價值大跌 92%及 89%，只有 88.4克及總值 2.2萬元。
海關打擊跨境濫藥奏效
海關毒品調查科高級監督李章榮接受查詢時指出，相信與海關加強執法，以及禁毒宣傳起作用有關，「佢哋通常喺深圳玩完通宵後清晨返嚟，暫時未見到有人猖狂到日光日白咁濫完藥後返港」。至今最年輕的跨境濫藥被捕者為 08年 2月一名 13歲女童經落馬洲返港時，被搜出 9克氯胺酮（ K仔）及 11粒硝甲西泮，被判接受感化。
海關今年暑假將繼續在各邊境口岸加派人手包括便衣，抽查青少年旅客，並與深圳海關交換情報。
香港遊樂場協會外展社工李德惠指出，本港青少年濫藥問題並無明顯改善，「只係佢哋唔再興返內地玩，改為留番喺香港玩」。越來越多青少年轉往本地樓上酒吧及網吧等場所濫藥，既逃避緝捕，消費也與內地相若，毋須再北上，卻增加了社工輔導的困難，「呢啲吧唔少仲係行會員制，有晒睇場，要有相熟人士帶入場先得，要撈呢班人增加難度，我哋需要用其他方法，唔似得以前咁，喺的士高門口就好容易撈到一大班人」。
該會將公佈的一項調查報告更發現，青少年已由主要濫用氯胺酮（ K仔），逐步轉為可卡因及冰毒，「家啲可卡因溝咗好多雜質，價錢冇以前咁貴」。
對 K仔有耐藥性轉冰毒
同時，青少年濫用 K仔已有幾年，身體已產生耐藥性，「 08年之前興食搖頭丸， 08年之後興食 K仔，家佢哋已經食純咗，要玩更激，就惟有轉食可卡因同冰毒」。
海關情報科資料顯示，現時可卡因每克售價約為 880元，較幾年前的 1000元下跌兩成；冰毒現時售價每克約為 760元。
海關在陸路管制站偵破
21歲以下人士涉毒品案
個案數字
10年 1-5月： 7宗
09年 1-5月： 22宗
減幅：-68.2%
被捕人數
10年 1-5月： 7人
09年 1-5月： 22人
減幅：-68.2%
撿獲毒品
10年 1-5月： 88.4克
09年 1-5月： 1,161克
減幅：-92.4%
總值
10年 1-5月： 2.2萬元
09年 1-5月： 20萬元
減幅：-89.0%
資料來源：香港海關
